لاکر میں رکھی اشیاء کا نقصان

یہ پالیسی بینک کے احاطے میں موجود عوام کے بانڈ، بل، سرٹیفکیٹس، بینک نوٹس اور زیورات سمیت دیگر قیمتی اشیاء کی جبری لوٹ مار، چوری، ڈکیتی کے نتیجے میں بینک پر عائد ہونے والے قانونی الزامات و مطالبات کا احاطہ کرتی ہے۔ اس پالیسی کی کوریج میں وہ اشیائے قیمتی شامل ہیں جو بینک کے سیف، لاکر یا والٹ میں محفوظ ہوں، عارضی طور پر سیف سے باہر رکھی ہوں یا پاکستان میں موجود متعلقہ بینک کی کسی بھی برانچ کے احاطے میں موجود ہوں

آفس کی اشیاء کا نقصان

اس پالیسی میں چوری یا ڈکیتی کے سبب آفس میں موجود فرنشنگز، فکسچر، فٹنگ، آلات، سیف اور والٹ وغیرہ کے نقصان کا احاطہ بھی شامل ہے۔ یہاں یہ بات واضح رہے کہ نقصان کا ہرجانہ اسی صورت میں ادا کیا جائے گا جب یہ ثابت ہو کہ بینک نقصان زدہ اشیاء کا مالک ہے اور نقصان چوری، ڈکیتی یا تخریب کاری کے نتیجے میں ہوا ہے۔

دفاعی اخراجات

مذکورہ بالا فائدہ نمبر ایک میں بیان کردہ وجوہات کے سبب عوام کی جانب سے بینک کے خلاف کلیم، سوٹس اور دیگر کاروائیوں کی تحقیقات اور دفاع میں اٹھنے والے اخراجات کا احاطہ بھی شامل ہے۔